News: www.voanews.com/burmese
“ဆိုင်ကလုံးဂီရိ ဒုက္ခသည်တွေအတွက် အရေးပေါ် အကူအညီအဖြစ် ယူရို ၃,၀၀၀,၀၀၀ ထောက်ပံ့ဖို့ ဥရောပ ကော်မရှင်က ဆုံးဖြတ်ခဲ့ပါတယ်။ ရန်ကုန်မှာရှိတဲ့ ဥရောပ ကော်မရှင် အဖွဲ့ကနေ ဂီရိမုန်တိုင်း အခြေအနေ အကဲဖြတ် သုံးသပ်ချက် လုပ်နိုင်ခဲ့ပြီးတဲ့နောက် အခုလို ဆုံးဖြတ်ခဲ့တာပါ။ နိုင်ငံတကာ အစိုးရ မဟုတ်တဲ့ အဖွဲ့အစည်းကြီးတွေ၊ ကုလသမဂ္ဂနဲ့ ကမ္ဘာ့ကြက်ခြေနီအသင်း စတဲ့ အခြားအဖွဲ့တွေရဲ့ သတင်းအချက်အလက် ပံ့ပိုးမှုလည်း ပါပါတယ်။ ဒီလို သုံးသပ် အကဲဖြတ်မှုတွေက တဆင့် မဖြစ်မနေ လိုအပ်နေတဲ့ အစားအစာတွေ၊ နောက် အခြား အသုံးအဆောင် ပစ္စည်းတွေအတွက် အခုလို ထောက်ပံ့ဖို့ ဘရပ်ဆဲလ်မှာရှိတဲ့ ဥရောပ ကော်မရှင်ရုံးကနေ ယူရို ၃,၀၀၀,၀၀၀ သတ်မှတ်ခဲ့တာပါ။”
ဂီရိမုန်တိုင်း အဓိက ရိုက်ခတ်ခဲ့တဲ့ ကျောက်ဖြူ၊ မြေပုံ၊ မင်းပြားနဲ့ ပေါက်တောမြို့နယ်တွေမှာ အိမ်ခြေ ၇၀-၈၀% လုံးဝ ပျက်စီးပြီး လူပေါင်း ၁၀၀,၀၀၀ ကျော် အိုးမဲ့အိမ်မဲ့ ဖြစ်ခဲ့ရတယ်လို့ ကုလသမဂ္ဂက ထုတ်ပြန်ပါတယ်။
အရေးပေါ် အကူအညီနဲ့ ပြန်လည်ထူထောင်ရေးအတွက် လိုအပ်ချက်ဟာ အမေရိကန်ဒေါ်လာ ၅၇ သန်း ရှိမယ်လို့ ခန့်မှန်းပြီး လက်ရှိအားဖြင့် နိုင်ငံတကာ အလှူရှင်တွေက အကူအညီငွေ ဒေါ်လာ ၂၀.၅ သန်းပေးဖို့ လျာထားပြီးသား ဖြစ်တယ်လို့လည်း ရန်ကုန် ကုလသမဂ္ဂရုံးက ထုတ်ပြန်ထားပါတယ်။
0 comments:
Post a Comment